نكات جديدة لنج تعالوا فرفشوا شوية!!! جنكم شكل ودشمانات

حلفاوي غنمايتو تعبت تعب شديد قالو ليه صوم سبعة أيام لله وانشاءالله الغنماية حتبقى كويسة المهم صاحبك صام وفي اليوم السابع بعد المغرب الغنماية ماتت قام صاحبك عاين ليها وهو زعلان قال ـــ وديني سبع يوم ده نهصم من رمضان ودهيا مافي السنة ده
----------------------------
حلفاوى ولدو ليهو عشرين سنه فى أمريكا مشا يفتشو وأول مانزل فى المطار قابلو سودانى فسألو ياولدى أنا عمك صالح وعندى ولدى هنا ليهو زمن أخبارو مقطوعه فالسودانى قال ليهو تعرف ياعمى ربنا بيحبك محمد ولدك ساكن معاى فى غرفه واحده وساقو طالع بيهو فى ناطحات السحاب فى نييورك والأرض بدت تختفى والعربات عمك عاين للسودانى قل ليهو بقول ليك إيه ياإبنى إنت مودينى لمحمد إياتو ؟؟
--------------------------
دينكاوي جاء لي بتاع دكان حلفاوي قال ليهو عندك كيت , الحلفاوي قال ليهو دا شنو دا كمان , الدينكاوي قدر ما حاول يشرح ما قدر , قام دخل جوا الدكان ومسك الخيط وقال ليهو دا ما كيت , الحلفاوي قال ليهو ياهي ما تقول هيت
------------------------
ادروب قالو ليهو : تمشي الجنة ولا النار
قال : القريب من كسلا نمشي
-------------------------------
حمار اتعود يحك راسوبشباك فصل في مدرسة الاستاذ قال للطلبة الحمار ده كل يوم بيعمل كده عندو ولد عم ليه هنا والا شنورد عليه تلميذ رباطابي قال لي ليه والله مابيجي هوالا في حصتك يا استاذ
----------------------------------------
شافع من شفع الرباطاب جابو ليه استاذ راسو مطاول شكلو غريب جدا وقال ليهم الاستاذ اسالكم سؤال المابجاوب بطردومن الحصة فرد الشافع اسعلني فقال الاستاذ الله كم واحد ولا اثنين فضحك الشافع ضحكا شديدا البضحكك شنو فزاد الشافع في الضحك وقال ليهو لو كاانو اتنين ماكان اتشاوروا في راسك ده
----------------------------------------
قالو ادروب شاحن ليه عربية بتاعت جداد جاي من بور سودان في المحطة الاولي وقفوه قالو ليه ليه يا ادروب جدادك ده سمين كده بتاكلو شنو ادروب حب يقشر وكده والله باكلو قمح بس قامو مسكوه ليك كسروه الجماعة قالو ليه يا ادروب الناس مالاقيه تاكل انت تاكلو قمح
مش في المحطة التانية سالوه ادروب جدادك ده بياكل شنو قال ليهم بناكلو عيش برضو مسكهو هبتوه ليك في المحطة التالته داخل مدني سالوه برضو قال ليهم والله انا مابعرف ياكل شنو هو المهم انا نصح الصباح نديه مصاريف بتاعو هو براه يصرف
رباطابي عنده فرن جاهو مسكين قال ليهو ( لي يومين ما ضقت طعم الرغيف ) الرباطابي قال ليهو : ( ياهو طعمو زاتو ما اتغير ) .

****************************** ******************** ******************************
الشايقى الجعلى قاعدين تحت شجرة لالوب يتونسوا ، الشايقى قال للجعلى اطلع جيبلى لالوبات من الشجرة ! الجعلى قال ليهو انت محنن ??? فجأة ظهر أسد ! الجعلى طلع فوق الشجرة ، والشايقى جرى بعيد ! لما الأسد فات ، الشايقى لقى ليهو عود صغير ، قال للجعلى الأسد فات ! خوفتوا ليك بالمطرق دا ! لكن انت وقتالله رفع قدمك ، لا تنسى اللالوبات جيبن معاك
واحد مسطول عزم صاحبه على الغداء ...المسطول شابك ليك مرتو الله عليكي يابركةو و كل ما يطلب منها حاجه يقول ليها يا روحى يا انفاسي الاكل جاهز ولا لسع ؟ ياعيونى شوية ملح ، يا سنتر قلبي جيبي بالله عيش يا قمرة ياحياتي يا انفاسي عايزين زيادة أهــا صحبو اتكيف شديد من الكلام دة وقال : ليهو ماشاء الله اكتر من 18 سنة متزوجين ولسع بدلعة ياروحي وياحياتي وماعارف شنو؟ قام المسطول قال ليو: يازول ها انا بس ناسي اسمها

مسطول مشى يعزى وهو متأثر شديد وهو طالع قال لأخو الميت يعنى مافى امل؟

عريس ساطل سطلة جامدة، يوم عرسو وبعد الناس مشو دخل البيت لقي العروس قاعده منتظره قال : والله انا كنت عارف بي جوطتم دى حينسو ليهم زول
-------------------------------
واحده عجوز مشت للجيران للزياره لقت الولد قالت
ليهو كلبكم فى ردعليها وقاليها مافى
الحاجه خشت كده لقت الكلب قعدت تكورك بوبى بوبى
انا مانى حبوبتك
----------------------
بياع الفحم جنوا كضب على الزبائن
وأصلوا ما بسكت ساكت لازم يعلق على كلام الزبون
جاتو حاجة كبيرة تشتري فحم
الحاجة : يا ولدي أديني فحم بي ألف
بتاع الفحم : اتفضلي يا أمي
الحاجة تعاين للفحم الكباه ليها في القفة وتقبل على بتاع الفحة
الحاجة : ما تزيدوا شوية فحم الياباني
بتاع الفحم : والله يا حاجة الفحم غالي وبعدين الفحم ده من سنار
لكن اللوري الجابوا ياباني


عيان مشى الدكتور

الدكتور قعد يحذر فيهو من اعراض ضغط الدم
ما تأكل لحمه سمينه وكبده نيه
والبيض المقلي والمسلوق ولا السمنه البلدية
وابعد عن الزبادي والجبنه المضفرة و...!!
العيان قاليهو
ها آزول اقيف ها...
انا لو بأكل جنس ده... اكان جيتك؟
-------------------------------
ومسطول
سالوه الفرق بين زمان وهسي شنو
قال ليهم زمان لما يجيبو الاكل الناس تقول بسم الله وتبدا
وفي النهايه تقول الحمد لله .هسي لما يجيبو الاكل الناس تقول
الحمد لله الاكل جا ، ولما تنتهي تقول بسم الله كمل متين
-------------------------
جعلي راكب حماره في الخلا .. دخل في كومة قش طارت منها (فرة) خلعت الجعلي لغاية ما وقع من الحماره
اتلفت يمين وشمال ما شاف زول
قال والله لو دا شايقي كان مات عديل
---------------------------------------
ادروب سألو تمش الجنة والا النار قال ليهم الشوايقة ماشين وين ؟؟ قالو ليهو ماشين النار قال خلاص بامش معاهم النار يا ادروب الكلام ده كيييف بس قال ليهم الشوايقة ديل ما بمشو حتة الا يكون فيها منفعة وكده
-------------------------------------------------------------------------
شايقي داخل يزور امه في المستشفي لقي مكتوب على الباب (إدفع) قال اخير اشوفها في البيت
-----------------------------------
مسطول بيسـأل صاحبه

هـا أخبار ابوك شنو؟

وفجـأة تذكـر أن أبـو صاحبـه مـتوفي

"فكمـل الموضوع وقال " لسه برضو فى نفـس القبر
--------------------
مسطول مثقف قال لصاحبه قل لي ماذا تقرأ أقل لك من أنت.... قام صاحبو قال ليو.. ماذا تقرأ؟؟
قام المسطول قال ليو:: من أنت؟؟

يا جماعة ده بوست ترفيهي وما عنده علاقه بالسياسة من قريب او بعيد فاي زول عنده نكات ينزلها لينا هنا

الله يخليك يا امين

جد ضحكت من جوه, حبه ضحك محتاجين ليه كتير.

بس خوفي يجوك ناس كوكو ويقلبوا ليك

وتبقى في البخارجك من البوست دا

انا ما قلت حاجة

ولا قلت شلة ولا جبت سيرة اللواء مجيدو

كوكو ........... مر من هنا

هاجر ..... أزيييييييييك

تسلم ا امينو على التخفيف

وبالله سلم لي على اي جعلي يلاقيك وذكرو اللالوب

اقتباس: المشاركة الأصلية كتبت بواسطة هاجر ياسين     الله يخليك يا امين جد ضحكت من جوه, حبه ضحك محتاجين ليه كتير. بس خوفي يجوك ناس كوكو ويقلبوا ليك وتبقى في البخارجك من البوست دا انا ما قلت حاجة ولا قلت شلة ولا جبت سيرة اللواء مجيدو

يا هاجر ,, إزززيك

بناتك بقن سمحات ولا لسع في شناتن ؟؟؟؟؟
اعملي حسابك اولادي ما بعرسوو الا السمحات بالحيل !!!

أمينووووووف ,,
داير نكت أنحرافية ولا انهزامية ,, عشان الواد ياخد راحتو

طبعاً الايام دي من كترة مناقرتي مع الملحد آدمو الواحد قرب يبقى كوز ولسانو اتعوج
أها نبدا بنكتة اسلامية وبعدين شوية شوية ندخل في الانحراف ,,

مرت امرأة فائقة الجمال برجل فقير بل معدم، فنظر إليها وقلبه ينفطر شغفا بجمالها، ثم تقدم منها ودار بينهما الحوار الآتي:

الرجل: "وزيّناها للناظرين"
المرأة: "وحفظناها من كل شيطان رجيم"
الرجل: "بل هي فتنة ولكن أكثرهم لا يعلمون"
المرأة: "واتقوا فتنة لا تصيبن الذين ظلموا منكم خاصة واعلموا أن الله شديد العقاب"
الرجل: "نريد أن نأكل منها وتطمئن قلوبنا"
المرأة: "لن تنالوا البرّ حتى تنفقوا"
الرجل: "وإن كان ذو عسرة"
المرأة: "حتى يغنيهم الله من فضله"
الرجل: و"الذين لا يجدون ما ينفقون"
المرأة: "أولئك عنها مبعدون"

عندها احمر وجه الرجل غيظا وقال:
"ألا لعنة الله على نساء الأرض أجمعين!!"
فأجابته المرأة:"للذكر مثل حظ الأنثيين"


شايقية دايرة تمشي الحج
قالو ليها الحج بتمانية مليون
قالت ليهم اصلو انا ما عندي ذنوب قدر دا

الغفير جاء للناظر المسطول
قال ليهو يا استاذ الطلبه قاعدين ينطوا بسور المدرسة
الناظر قال ليهو ياخي هدوا السور دا وريحونا


بدوي مشى لبنان مامورية شغل يومين
موظف الاستقبال في الفندق قال ليهو الفندق دائما
بيقدم هدية مجانية للزبائن لزوم التسلية والفرفشة وكدا ( تحب ابعت لك البسة الساعة كم ؟؟؟)
قال ليهو ما عاوز بسة ولاحاجة !!!
انتهت المامورية وصاحبنا راجع وقعد يحاسب في الاستقبال لقى واحدة زي الصاروخ واقفة جنبو
قال ليها انتي بتشتغلي هنا ؟؟؟ قالت ليهو ايوه
قال ليها اسمك منو ؟؟ قالت ليهو اسمي بسة
تذكر انو الجماعة كانو عاوزين يرسلو ليهو البت دي وهو رافض
قامت البت قالت ليهو انت اسمك منو ؟؟؟؟
قال ليها أنا الحمار أبن الحمار

اقتباس: المشاركة الأصلية كتبت بواسطة amin_bushari     هـا أخبار ابوك شنو؟ وفجـأة تذكـر أن أبـو صاحبـه مـتوفي "فكمـل الموضوع وقال " لسه برضو فى نفـس القبر --------------------

امين
تحياتي
هو المغترب والمسطول قريبين من بعض ..
والله القصه دي بقت علي في اخر اجازه لي في السودان -- بسال في واحد كيف الوالد وفجاءه تذكرت انو ابوهو متوفي من اكثر من 5 سنين .. بس ما وصلته مرحلة في نفس القبر

يا شباب انتوا ما بتعرفوا تقولوا نكات نظيفة
على العموم المداخلات اتخـــــــورت
ولو عملتوا كده ولا كده البوست ظااااااطو بتخور





___________
انا القال لي ابقى في الادارة منو؟

يسقط.... يسقط .....المخوروووون

يا هاجر..... ما تقولي حاجة وتتوسطي لينا ياااخ

عااالم بطااالــــــــــــــــــة

امينو الله يجازيك
عليك الله مخور مشاركتي مالك؟
هسى عليك الله فرقها من الباكستاني بتاعك بتاع اكبر بتاع داك شنو عليك الله؟
ــــــــــــــــــ
عالم جنها خيران

اقتباس: المشاركة الأصلية كتبت بواسطة د.محمد تكنه     امينو الله يجازيك عليك الله مخور مشاركتي مالك؟ هسى عليك الله فرقها من الباكستاني بتاعك بتاع اكبر بتاع داك شنو عليك الله؟ ــــــــــــــــــ عالم جنها خيران

ود عمـــي محمد تكنه

هسي ديك ذاتها وينها ما اتخورت
ياااااخ خليك زول روحك الرياضية عالية
وبعدك اللواء مجيدوووووووووو فك ليهو واحدة صاقعة تفطس من الضحك وكانت السبب في تخوير البوست
وتبعته انا بواحدة لكن مع الاسف كلها مشت الخور غير مأسوف عليها
كااااااك خليك كووووووووووووووووووووووووول



_______________
نرسلهم لك في الخااااااااااس

مجيدو يالواء

كيفك انشاء الله اولادك السمحين بقوا دكاترة ومهندسين اقل من كدا ما بنقبل

انتو البوست دا مشفر انا ما فاهمة حاجة المداخلات ودوها الخور ولاشنو؟؟؟؟؟؟؟؟؟؟؟؟

امين الحاصل شنو

وكوكو وينو من الحاصل دا ؟؟؟؟؟؟؟

اقتباس: المشاركة الأصلية كتبت بواسطة هاجر ياسين     مجيدو يالواء كيفك انشاء الله اولادك السمحين بقوا دكاترة ومهندسين اقل من كدا ما بنقبل انتو البوست دا مشفر انا ما فاهمة حاجة المداخلات ودوها الخور ولاشنو؟؟؟؟؟؟؟؟؟؟؟؟ امين الحاصل شنو وكوكو وينو من الحاصل دا ؟؟؟؟؟؟؟

الظاهر (كوكو) زاتو ...... اتخور

في حاجات (ما لذيذة) حاصلة هنا

صباحاتكم .................. كالعادة

غايته دي حكاها لي قبل يومين عمنا حلفاوي صاحب الوالد

قال
واحد ماهيته 800000 ومأجر بيت ب 850000 قام سألوهو قالوا ليو انت مأجر بيت بأكتر من راتبك!!بتاكل شنو كان كدا؟
قال ليهم
باكل صاحب البيت

ودا واقع والله

صباحاتكم دعاش