الجواز الالكترونى السوداني !!!

الجواز الالكتروني وما دارك ما الجواز الالكتروني
كل الدول في العالم استفادت من العولمة وعصر السرعة في استخراج الاوارق الثبوتيه والمعاملات الرسمية . ويحسب السودان من الدول التي استفادت أيضا من تلك العولمة والتقدم ولكن هذا التقدم والتطور ظهر فقط في مجال الاتصالات والانترنت وخدمات الصرف الآلي وغيره.
والحمد لله على هذه الطفرة وتحسب من إنجازات الفترة المنصرمة .
وفي أول العام الحالي أظن الكل سمع بالجواز الالكتروني السوداني .. وتحدثوا عنه كثير قلنا خلاص البلد مشت على تطور كبير بقصة الحوسبة الممغنطة . والكل يعرف أن الحوسبة المعلوماتية تسهل من كثرة الإجراءات وتختصر الطريق أمام المواطن وموظف الدولة في كثير من التعاملات وذلك لربطها بشبكات حاسوبيه متسعة توصل بين الأقسام الداخلية والمدن الولائية مما يسهل الإجراءات حركة البيانات التي تخص المواطن السوداني ...
هنا نحكى لكم قصة وطريقة استخراج الجواز الالكتروني والإجراءات الردئيه والبطيئة التي تمر بها أسناء استخراج الجواز وفي نفس الوقت أنت تحمل في يدك جوازك القديم (الدفتري) يعنى سبق واستخرجت جواز وكمان يمكن سافرت به كم مره .بالطبع البيانات حقتك مخزنه او معروفه لديهم.. وعلى فكره مكان استخراج الجواز الالكتروني في مدينة أم درمان فقط جوازات الأربعين يعنى يأتى اليها الناس من جميع انحاء السودان . في قسم مخصوص لهذه المهمة الالكترونية ولكن لا تحسب إلكترونيه ولا حاجة عبارة عن صفوف وجوطه زى سوق البصل .. وتسهيل إجراءات للذين ليدهم واسطة ومعارف داخل القسم وموظفين مستهترين وعساكر مفتريين بطريقة غير حضارية ..
الأوراق المطلوبة هي نفس الأوراق التي بها تستخرج جواز عادى .جنسيه بطاقة – شهادة سكن – شهادة ميلاد أو تسنين طبعا زمان ما كان في بطاقة ومعروف المهم .. لو في زول جاء من أخر الدنيا مثلا عطبره نيالا كسلا وشايل معاهو الجواز القديم . تانى يرجع يجيب شهادة سكن من هناك ويجى وبعد ده كلوو الإجراءات ثلاثة أيام يعنى الرسوم عاوزه يوم براها ...وطبعا رسوم كثيرة جدا وقدرها 415 ألف بالقديم ويجدد في كل خمسه أعوام .. والاستلام بعد ثلاثة أيام ده غير إذا جاك في ..خميس ، جمعه ، سبت ..
طيب لي البيانات بتاعت الجواز حقو مطلعو 2005 ومجدد إلفين 2007 هي نفس البيانات ما ممكن تستخدم نفس البيانات في إجراءات الجواز الغير الالكتروني ده ..على فكره هو نفس القديم بس به وراقه واحده بها المغنطة يعنى في التعاملات برضو بدخلوا رقم الجواز وتظهر البيانات والصورة يعنى ما في فرق يذكر. وهو دفتر ازرق ..
المهم بالنسبة لي شهادة السكن المواطن جاي من اخر الدينا كيف يرجع . يلا شوف .جرى (س) الى اقرب كشك في حي (ص) اشترى شهادة سكن مبلغ 30 ألف بالقديم وجاء إلى نفس الظابط الرجعوا قبل 20 دقيقة بشهادة طبعا الضابط ما عاين لي شهادة السكن دي من وين ولا اشتروها ولا زورها طوالى فحص الأوراق وختم عليها .. اعمل التحري وصدق له الجواز ودفع الرسوم الباهظة دى ومشى وجاء بعد ثلاثة أيام للاستلام عندك ورقه صغيره بعد تدفع الرسوم كسند موش إيصال ورقه مقطوعة من دفتر عليها ختم القسم ويوم الاستلام وهو مثلا ( الاثنين) لا تاريخ لاغيرو. المهم جاء يوم الاستلام .. عسكري في كاونتر مكشوف خاتى قدامو الجوازات في ظروف وقاعد زى التقول بيع فول .. وطلبات الناس متلميين فوقوا عاوز جوازي أنت اسمك منو.. وعيييييك ...والخ
جاء (س) شايل الورقة ديييك لا فيها تاريخ لا فيها زمن ولا رقم ولا اسم.... اها اسمك منو (فلان) طبعا صاحب الجواز سافر من يوم دفع الرسوم قبل أربعه أيام عشان عندو شغل .. المهم قلب ما تقلب لقي الجواز فتح الدفتر سجل الاسم حق صاحب الجواز وأعطى (س) الجواز وما شال منو الورقة دييك ...واصلها لا تعنى شئ ولا فتح الجواز من جوه الظرف تأكد منو انو ده منو ووكدا ... قال الكتروني قال ..
في النهاية الموضوع للعلم الفايده للناس الماعندها جوازات تحضر القروش من بدري عشان يمكن تجيهم سفره طارئه المبلغ كبيرة وزمن الاستخراج كثير جدا ..
واهم شئ شهادة السكن تكون معاك .. والواسطة لسرعة الإجراءات ونظام الشاهد وكدا ... والماعندو ضهر يقعد شهر..
من ارض الواقع
منتظريين تعليقاتكم .. والنقاش

الاخ ود قرشي


الحمد جددت جوزاي قريب يعني بعد سنتين كده يحلها الحــــــلال، ورسوم الجواز ما يعادل 1000 ريال سعودي هنا في السعودية

تطور شنو يا مان وسيلة جديدة لتغطية فرق سعر البترول الفارق في الميزانية.

كن بالف خير

أوووووووو ود قرشي
شنو يا عمك .. داير تبيعني وللا شنو ؟؟
خلاص لقيت طريقة المخارجة وللا شنو ؟؟
والله ما عافي ليك أكان مشيت وخليتني .. ها آزول هسي ما كنت راجيني أوريك الناس رسلت لي شنو في الخاص .. تمشي تقدم للجواز الجديد من وراي؟؟

يا ود القرشي كيف حالك
هسع لو كنت واحد من الصعاليك البيجونا لابسين فنايل كورة ديل زي وارقو ومش عارف مين كان جوازك يجيك منقرط بالاحمر (دبلوماسي) وفي بطن بيتك و بدون ما تطلبه حتى ؟؟؟
والله جمهورية الخرتيت دي ما عرفناها تابعة لياتو دين وياتو ملة عشان نتكيف مع مفارقاتها!!!!!

اقتباس: المشاركة الأصلية كتبت بواسطة amin_bushari     الاخ ود قرشي الحمد جددت جوزاي قريب يعني بعد سنتين كده يحلها الحــــــلال، ورسوم الجواز ما يعادل 1000 ريال سعودي هنا في السعودية تطور شنو يا مان وسيلة جديدة لتغطية فرق سعر البترول الفارق في الميزانية. كن بالف خير

اخى امين البشارى

الحمد لله انك مجدد ..
لكن اصلا المغتربين حريفيين على نفسهم .. الكلام على ناس قريعتى راحت ..ناس الهامش ناس نحنا ... تجرر لما زيتك يطلع ...

اوريك التطور كيف اها البت الصممت الجواز شغاله في شركه جهاز الامن... كرمها رئيس الجمهوريه وعييييييييييييك
كان شفت التصميم كيف والله اي مركز تصوير مستندات وطباعه يعملووووو ...

اقتباس: المشاركة الأصلية كتبت بواسطة محمد جبريل     أوووووووو ود قرشي شنو يا عمك .. داير تبيعني وللا شنو ؟؟ خلاص لقيت طريقة المخارجة وللا شنو ؟؟ والله ما عافي ليك أكان مشيت وخليتني .. ها آزول هسي ما كنت راجيني أوريك الناس رسلت لي شنو في الخاص .. تمشي تقدم للجواز الجديد من وراي؟؟

الصديق ود جبريل هاهاهاهاهاه ا
لا يعمك ماااافي بيع ياخى ابيعك كيف ... بنعمل تست عشان نكون جاااهزين ...في حالة الاقلاع الاطرارى ..
انا عندى الجواز القديم وما بفارقوا ,,,
برضوا راجي خيرات الخاص حقك ..

ياخى الناس ديل ما قادرين يستقلوا العولمه دى صاح ... في الشغل الحاسوبي والالكترونى عشوائيه شديده ... لسع شغل البوليس الجرجره العارفه دييييييييك

كتب ود قرشى الحبيب :عبارة عن صفوف وجوطه زى سوق البصل .. وتسهيل إجراءات للذين ليدهم واسطة ومعارف داخل القسم وموظفين مستهترين وعساكر مفتريين بطريقة غير حضارية ..

وصف دقيق جدا لى ناس الترخيص برضو (ما تضحكو على )
والله يا ودقرشى ظلمته سوق البصل
واتقطعته فيها زى تقطع وارغو والوصيف طاردو لما قلته (موظفين مستهترين وعساكر مفترين ) بطريقة قارونية وليس حضارية الحضارة شافوها وين ديل ....
الذ حاجة مشيت اطلع لى بطاقة شخصية انت عارف فى واحد كده شكلو لا سودانى ولا بسبه خلق الله الربنا ابتلاها بالغلاء فى الحاجات الضرورية
أها انا يازول شبكونى ليك : انت من وين ...نهر النيل
شهادة سكن : طلعتا ليهم حقت حينا الهنا ده

فى واحد من هنااااك الظاهر عليهو داير حق الفطور قال لى تمشى تجيبا من السيال ...
طبعا اخوك حريف عملته فيها خلاس انا ماشى اجيبا من السيال جاء لاحقنى ليك قال لى : ممكن استثنيك بس (اهى اهى اهى احم احم احم زى الدفعناها لى بتاع المرور بتاع الشهداء بالليل ديك (الله لا كسبم ديل بدخلونا نار جهنم معاهم تابى انفسهم الا ان نكون معهم))
أها قلت ليهو سمح ماشى ازيد القروش زغته , والله يا ودقرشى جيت راجع للزول ده مركب لى وش ختمت طلعو لى بطاقتى ....
اما صاحبنا الما سودانى داااااك انا خايف يكون جابو ليهو كباية عصير
غايتو حتى فى المواصلات الشعب صار يحترم الخواجى اكتر من ودالبلد .

موتمر وطنى ويااا هركة شعبية وييييا

ونحن ميتينا طالع

اقتباس: المشاركة الأصلية كتبت بواسطة علي الأسد     يا ود القرشي كيف حالك هسع لو كنت واحد من الصعاليك البيجونا لابسين فنايل كورة ديل زي وارقو ومش عارف مين كان جوازك يجيك منقرط بالاحمر (دبلوماسي) وفي بطن بيتك و بدون ما تطلبه حتى ؟؟؟ والله جمهورية الخرتيت دي ما عرفناها تابعة لياتو دين وياتو ملة عشان نتكيف مع مفارقاتها!!!!!

اخى العزيز ود الاسد
الله يسلمك
صدقت القول فعلا لو كنت من الجماعه اياهم كان امرك مقضى ... وهذه نماذج شفتها بي عينى بس نقول شنو ولي منو...
الجمهوريه تابعه الى الجهلاء في بلادنا فقط ...

اقتباس: المشاركة الأصلية كتبت بواسطة محمد السيالى     كتب ود قرشى الحبيب :عبارة عن صفوف وجوطه زى سوق البصل .. وتسهيل إجراءات للذين ليدهم واسطة ومعارف داخل القسم وموظفين مستهترين وعساكر مفتريين بطريقة غير حضارية .. وصف دقيق جدا لى ناس الترخيص برضو (ما تضحكو على ) والله يا ودقرشى ظلمته سوق البصل واتقطعته فيها زى تقطع وارغو والوصيف طاردو لما قلته (موظفين مستهترين وعساكر مفترين ) بطريقة قارونية وليس حضارية الحضارة شافوها وين ديل .... الذ حاجة مشيت اطلع لى بطاقة شخصية انت عارف فى واحد كده شكلو لا سودانى ولا بسبه خلق الله الربنا ابتلاها بالغلاء فى الحاجات الضرورية أها انا يازول شبكونى ليك : انت من وين ...نهر النيل شهادة سكن : طلعتا ليهم حقت حينا الهنا ده فى واحد من هنااااك الظاهر عليهو داير حق الفطور قال لى تمشى تجيبا من السيال ... طبعا اخوك حريف عملته فيها خلاس انا ماشى اجيبا من السيال جاء لاحقنى ليك قال لى : ممكن استثنيك بس (اهى اهى اهى احم احم احم زى الدفعناها لى بتاع المرور بتاع الشهداء بالليل ديك (الله لا كسبم ديل بدخلونا نار جهنم معاهم تابى انفسهم الا ان نكون معهم)) أها قلت ليهو سمح ماشى ازيد القروش زغته , والله يا ودقرشى جيت راجع للزول ده مركب لى وش ختمت طلعو لى بطاقتى .... اما صاحبنا الما سودانى داااااك انا خايف يكون جابو ليهو كباية عصير غايتو حتى فى المواصلات الشعب صار يحترم الخواجى اكتر من ودالبلد . موتمر وطنى ويااا هركة شعبية وييييا ونحن ميتينا طالع

تسلم السيالى يا حبيب
لتوضيح بعض من معانات خلق الله بالداخل وكما تعودنا منك دائما مهموم وطنى غيور,,

فعلا هذا النظام سوف يدخل كل الشرفاء في الرشوه جبرا ,,,
احسن الناس تحافظ على الجواز القديم وكل مره تجدد عشان تتفاده العشوائيه الحاصله في جوازات الاربعين بانت (( الحبيب طارق حامد قالى ما مشكلة الزحمة بس يخلوا ستات الشاى والزلابيه الوحد يضرب زلابيه وشاى لما الشباك يافتح على راحتوا...ضحكنى ههههههه))..

طبعا ما مكتوب فيهوو ما عدا اسرائيل وهو من تصميم شركة الامن والمخابرات يعنى تابع لي صلاح قوش ,,, وايضا قد تكون مكتوبه في البرمجه بالداخل في المغنطة التى تحتوى عليها صفحة واحده في الجواز ,,, واحتمال اقترب النظام من التصالح مع اسرائيل والله يعلم ..

اقتباس: المشاركة الأصلية كتبت بواسطة علي الأسد     يا ود القرشي كيف حالك هسع لو كنت واحد من الصعاليك البيجونا لابسين فنايل كورة ديل زي وارقو ومش عارف مين كان جوازك يجيك منقرط بالاحمر (دبلوماسي) وفي بطن بيتك و بدون ما تطلبه حتى ؟؟؟ والله جمهورية الخرتيت دي ما عرفناها تابعة لياتو دين وياتو ملة عشان نتكيف مع مفارقاتها!!!!!

اخونا علي الاسد

على الاقل وارغو احسن من علي بلحاج وعباس مدني وبن لادن

ديل كلهم كان عندهم جوازات سفر سودانية


ياهو زاتو علي بلحاج القال من ضمن برنامجه الانتخابي ان

حسيبة بومرقة (العداءة الجزائرية) لن تجد فرصة لتجري بساقيها العاريتين مرة اخرى


في واحد غاني كتب مقاله على هامش ندوة العلاقات السودانية الافريقية، وذكر فيما ذكر ان نلسون مانديلا في عام 62 قدم السودان في طريقه الى اثيوبيا حاملا وثيقة سفر (من دولة افريقية نسيتها) وفي المطار عندما قدمها، اخرج له ضابط الجوازات السوداني جواز سفر سوداني باسم مانديلا وسلمه اياه، وقال له يا ابني انت واحد منا.

شوفوا بقينا في جنس ساقيها العاريتين ديل.

اني هاو

الجواز الممغنط الجديد زاتو سمعنا تحت تحت انو في بلاد لا ستتطيع التعامل معه الكترونيا (اجهزتها لا تستطيع قراءتة الكترونيا) لانو فيهو مشكلة

اقتباس: المشاركة الأصلية كتبت بواسطة أحمد ابن عوف     شوفوا بقينا في جنس ساقيها العاريتين ديل. اني هاو الجواز الممغنط الجديد زاتو سمعنا تحت تحت انو في بلاد لا ستتطيع التعامل معه الكترونيا (اجهزتها لا تستطيع قراءتة الكترونيا) لانو فيهو مشكلة

بالله عملو كده

طبعا بتكون مشكلة الجواز الجديد الدول المابقرا فوكا من شاكلة...
(والسارق والسارقة اقطعو) (والعين بالعين والسن بالسن)
ات عارف يا ود ابعوف اسرائيل دى حاكمت رئيس وزرائها ليشنو لانو تلقى دعم من بره لا حظ ما بقروش البلد ومن امريكى وكم الفين دولار والله كم ماعارف

نحن ما شاء الله تبارك الله الزكاة دى حلال على المبجلة بطونهم ...

اقتباس: المشاركة الأصلية كتبت بواسطة أحمد ابن عوف     اني هاو الجواز الممغنط الجديد زاتو سمعنا تحت تحت انو في بلاد لا ستتطيع التعامل معه الكترونيا (اجهزتها لا تستطيع قراءتة الكترونيا) لانو فيهو مشكلة

فعلا كل الناس عارفه الحته دى يا ود ابنعوف ده الحاصل ,,,, وتحججوا قالووا سوف تعالج في الفتره الجايه .. البرمجه دى خاصة شديد ... بالجماعه

اقتباس: المشاركة الأصلية كتبت بواسطة ود قرشي     اخى امين البشارى الحمد لله انك مجدد .. لكن اصلا المغتربين حريفيين على نفسهم .. الكلام على ناس قريعتى راحت ..ناس الهامش ناس نحنا ... تجرر لما زيتك يطلع ... اوريك التطور كيف اها البت الصممت الجواز شغاله في شركه جهاز الامن... كرمها رئيس الجمهوريه وعييييييييييييك كان شفت التصميم كيف والله اي مركز تصوير مستندات وطباعه يعملووووو ...

البت دي معرسي؟؟
بالله شوف لينا الموضوع يا لورد

اقتباس: المشاركة الأصلية كتبت بواسطة ود قرشي     الجواز الالكتروني وما دارك ما الجواز الالكتروني . . وفي أول العام الحالي أظن الكل سمع بالجواز الالكتروني السوداني .. وتحدثوا عنه كثير قلنا خلاص البلد مشت على تطور كبير بقصة الحوسبة الممغنطة . والكل يعرف أن الحوسبة المعلوماتية تسهل من كثرة الإجراءات وتختصر الطريق أمام المواطن وموظف الدولة في كثير من التعاملات وذلك لربطها بشبكات حاسوبيه متسعة توصل بين الأقسام الداخلية والمدن الولائية مما يسهل الإجراءات حركة البيانات التي تخص المواطن السوداني ... [/u][/color]

ود قرشي
أكتر حاجة بتحَير في السودان ده, إنو الحاجات العادية بدوها أكبر من حجمها.. وبعملو ليها تضخيم لحدي الما عارف يقول خلاص.. نحنا وصلنا القمر..!
حاجة عادية إنهم يغيرَوا الباسبورت.. مجبرين طبعا لأنو بقا ما بلائم العالم الحولنا.. وأكتر من عادي إنو يكون إلكتروني.. "لأنو عشان كده تحديدا هم مجبرين يغيَرو من أساسو"..
زمان لمن ظهرت شبكات الجوال.. كان الجماعة شابكننا دي أحدث شبكة إتصالات في العالم!
طيب, ما لازم تكون الأحدث طالما إنها جات الأخيرة, ولا شنو؟؟؟

نفس الشي مع البترول..
واحد ذكي كده, كان بفتخر بإنو أنابيب البترول حقتنا هي الأطول في العالم!
مع إنها كلما طالت, كلما زادت تكاليف الاستخراج..
لكن برضو لازم يستخدم صيغ التفضيل دي..الأحسن والأحدث والأقدم والأطول.... إلخ..




المهم..
حاول جازف ليك جواز تاني.. "غير سوداني", يكون أفضل وأحسن وأحدث وأجمل

اقتباس: المشاركة الأصلية كتبت بواسطة د.أحمد الفاضل     البت دي معرسي؟؟ بالله شوف لينا الموضوع يا لورد

يا ابو الزُمل كفيك مروووق ورايق
هههههههههههههههه
كل زووووووول في همووووا ,,,,,

على الطلاق ... البت فرررررررررري ,,, غير متزوجه .. وكمان ادوها بيييييت ... لكن لو عرستها حا تقلع ضروس في مستشفى الامــــــــل ..

اقتباس: المشاركة الأصلية كتبت بواسطة hatim..     ود قرشي المهم.. حاول جازف ليك جواز تاني.. "غير سوداني", يكون أفضل وأحسن وأحدث وأجمل

اهلا حاتم ,, وازيك
اصلا الموضوع ما بستهال الضجة دى لكن هم .. واهمين بيهوا الناس وممرمطيين حياتهم بيهووو,,,

والله يا حاتم لو لقينا طريقه بتاعت جواز تانى ما بنتردد ,,, بنتلب طوالى ,,, اصلا خلاص كثافتنا جااات

صاحبي ود قرشي والشباب الحلويين ,,

سلام من الخرطوم ,
وبالامس جددت جوازي القديم والاخضر دا احسن منو مافي !!!
عندي جواز تاني لونو ازرق لو ينفع معاك بقايضك بقطعة ارض في عطبرة !!!
وبعدين ببيعها وأشتري للسيالي كم عمود كهرباء عشان ما ينق كتير ,,,

تحياتي ,,,

العزيز ود قرشى

شكرا علي الموضوع القيم
الله يكون في عون الغلابة

اقتباس: المشاركة الأصلية كتبت بواسطة محمد عبد المجيد     صاحبي ود قرشي والشباب الحلويين ,, سلام من الخرطوم , وبالامس جددت جوازي القديم والاخضر دا احسن منو مافي !!! عندي جواز تاني لونو ازرق لو ينفع معاك بقايضك بقطعة ارض في عطبرة !!! وبعدين ببيعها وأشتري للسيالي كم عمود كهرباء عشان ما ينق كتير ,,, تحياتي ,,,

محمد عبد المجيد يا صديق تسلم على المرور الخرطومى ,, ده
ما عندك مشكلة نحن بنديك قطعه سااى ياخى ,,,,

اقتباس: المشاركة الأصلية كتبت بواسطة مصطفى شوقار     العزيز ود قرشى شكرا علي الموضوع القيم الله يكون في عون الغلابة

شكرا اخى شوقار على المرور والمتابعه

الله يكون في عون الغلابه و الجميع ... اي حاجة بقت عاوزه واسطه

الأحباب:

ود قرشي
أمين بشاري
محمد جبريل
علي الأسد
ود السيالي
د. أحمد الفاضل
حاتم
محمد عبدالمجيد
مصطفى شوقار
ود ابن عوف
وكل أعضاء وقراء المنبر

اقتباس: الجواز الممغنط الجديد زاتو سمعنا تحت تحت انو في بلاد لا ستتطيع التعامل معه الكترونيا (اجهزتها لا تستطيع قراءتة الكترونيا) لانو فيهو مشكلة

بس سؤال ود بن عوف ده مهم لي، هل صحيح الجواز الجديد صالح في الدول العربية فقط؟

اقتباس: المشاركة الأصلية كتبت بواسطة آدم صيام     بس سؤال ود بن عوف ده مهم لي، هل صحيح الجواز الجديد صالح في الدول العربية فقط؟

اخونا آدم صيام

تحياتي وكل علم وانتم بخير

سمعنا اشاعة بتقول انو حتى ضابط الجوازات ال بسلمك الجواز الجديد بقول ليك لو ماشي بيهو السفارة الامريكية في القاهرة دا ما بنفعك، اخير ليك القديم

غايتو السودان بس يسوهو متحف كبير لبقية الشعوب وتجي تتفرج علينا، من ريسنا وحارسنا وفارسنا لي حد اتفه زول عندنا في السودان اللهو برضو ريسنا وحراسنا وفارسنا

اقتباس: المشاركة الأصلية كتبت بواسطة أحمد ابن عوف     اخونا آدم صيام تحياتي وكل علم وانتم بخير سمعنا اشاعة بتقول انو حتى ضابط الجوازات ال بسلمك الجواز الجديد بقول ليك لو ماشي بيهو السفارة الامريكية في القاهرة دا ما بنفعك، اخير ليك القديم غايتو السودان بس يسوهو متحف كبير لبقية الشعوب وتجي تتفرج علينا، من ريسنا وحارسنا وفارسنا لي حد اتفه زول عندنا في السودان اللهو برضو ريسنا وحراسنا وفارسنا

اخ ابنعوف وادم صيام
رمضان كريم
فعلا الجواز ده في بعض الدول ما بقرأ دى حقيقة
وخاصة امريكا الكلام ده معرووف وكمان نسألنا الضابط قال ,,,سوف تتعالج في الفتره القادمه ,,, طبعا الجماعه الطلعوووا الجواز الالكترونى ديل اغلبهم نااس قريعتى راحت ...سفر محلى ... والخليج تجار صغار كلهم ..

الناس المفتحه بتعالج القديم وبس

اقتباس: المشاركة الأصلية كتبت بواسطة ود قرشي     اخ ابنعوف وادم صيام رمضان كريم فعلا الجواز ده في بعض الدول ما بقرأ دى حقيقة وخاصة امريكا الكلام ده معرووف وكمان نسألنا الضابط قال ,,,سوف تتعالج في الفتره القادمه ,,, طبعا الجماعه الطلعوووا الجواز الالكترونى ديل اغلبهم نااس قريعتى راحت ...سفر محلى ... والخليج تجار صغار كلهم .. الناس المفتحه بتعالج القديم وبس

ود قرشي

المشكلة باين عليها اعوص من كده

دي ما مشكلة تقنية وممكن يعالجوها قريبا

القصة فيها إنّ

اقتباس: المشاركة الأصلية كتبت بواسطة أحمد ابن عوف     ود قرشي المشكلة باين عليها اعوص من كده دي ما مشكلة تقنية وممكن يعالجوها قريبا القصة فيها إنّ

فعلا عمنا ابنعوف في شئ تانى حاصل

دفع رسوم الجواز ..ما في ايصال تباع وزارة الماليه ورقه ساى تثبت انك دفعت فقط

الناس تبقي عشره على حوازتها القديمه

نبسة ارتفاع سعر استخراج الالكترونى ... وجرجره زمن الاستخراج

up

خلونا من موضوع الجواز الالكتروني. انا بتمنى يجي يوم يكون الدفع لكل المعاملات الحكومية عن طريق الصراف الالي والانترنت حتى نخلص من قصة البقشيش الزيادة الذي يدفعه المواطن السوداني في كل معاملة. فمثلا اذا كانت رسوم المعاملة 100 جنيه الموظف يقول ليك جيب 110 جنيه لكن يكتب لك في الايصال 100 فقط ويقول لك دا دعم شرطة مثلا وهكذا. لي صديق ذهب لتجديد الترخيص للحافلة القديمة التي كان يملكها ووقف في الصف مع الجماعة وسألهم يا جماعة رسوم التجديد كم ؟ قالوا ليهوا 420 وعندما وصل الشباك دفع المبلغ لكن الايصال مكتوب فيهو 400 جنيه فقط حاول صاحبنا ان يحتج لكن قبل ان يجيبه الموظف هاج الناس الواقفين في الصف وقالوا ليهوا يا اخي انت جاي من وين . بالله ادفع وما تضيع لينا وقتنا. لم يكن امام صاحبنا الا الانسحاب من الشباك وهو يردد لا اله الا الله محمدا رسول اللهز